• කබලෙන් ළිපට වැටුණා වගෙයි.
  කරදර විඳිමින් සිටි කෙනෙකුට ඊට වඩා විශාල කරදරයක් සිදුවීම.
  
  
• හතර බීරි කතාව වගෙයි.
  යම් කිසි සිදුවීමක් ගැන ඊට අදාළ අය කරන ප්‍රකාශන එකිනෙකට සම්බන්ධ නැතිවීම.
  
  
• වංසේ කබල් ගෑවා වගෙයි.
  කිසිම හැකියාවක් නැති අයෙකු තමාගේ පරම්පරාවේ නම්බුව ගැන කතා කිරීම.
  
  
• කැකිල්ලෙ රජ්ජුරුවන්ගේ නඩු තීන්දුව වගෙයි.
  වැරදි විනිශ්චය නිසා අහිංසකයකු දඬුවම් විඳීම.
  
  
• උපාසක බළල්ලුත් මීයෝ අල්ලනවලු.
  යහපත් පුද්ගලයින් මෙන් පෙනී සිටින අය ද වැරදි කරන බව.
  
  
• ලෙඩ කපුටො වැළ කනවා වගේ.
  ඕනෑවට එපාවට කාර්යයක් ඉටු කිරීම.
  
  
• උඩ බලලා කෙළ ගැහැව්වා වගේ.
  තමන්ට ලජ්ජා, අපහාස සිදුවන අන්දමට තමාම වැඩ කිරීම.
  
  
• වක්කඩ කැඩුවා වගේ.
  සීමාවකින් තොරව දෙඩවීම.
  
  
• වැස්සට කරෝල වේලුවා වගෙයි.
  අවස්ථාවට නොගැළපෙන දෙයක් කිරීම.
  
  
• මිරිස් කුඩු කෑව රිළවා වගේ.
  අනවශ්‍ය ලෙස දඟලන පුද්ගලයෙකු කිසි දෙයකින් නොසැලෙන බව.