" අ, ආ, ඇ, ඈ "

• අශ්වයා පැන ගියාට පසු ඉස්තාලය වැහුවා වගෙයි.
  විපත සිදුවූ පසු ආරක්ෂාව තර කිරීම. / ආරක්ෂා කළ යුතු වටිනා දේ නැති වූ පසුව ආරක්ෂාව පිළිබඳ උනන්දු වීම.

• අලියා ගිල්ල දිවුල වගෙයි.
  පිටතින් හොඳ බව පෙනුණත් ඇතුළත හිස්ය.
  
  
• අලි යන කපොලු තිබියදී කූඹි යන හිල් වහනවා වගෙයි. / අලි යන කපොලු තිබියදී කූඹි යන තව් වහනවා වගෙයි.
  විශාල වැරදි තිබියදී සුළු වැරදි වැසීමට උත්සාහ කිරීම. / වැරදි කරන ලොකු පුද්ගලයන් සිටියදී සුළු වැරදි කරන පුද්ගලයන් ගැන කතා කිරීම.
  
  

• අහසේ තරු ගණිනවා වගෙයි.
  කළ නොහැකි දෙයක් කිරීමට වෙර දැරීම.
  
  
  
• අඟේ ඉඳන් කන කනවා වගෙයි.
  පසුව ආ දෙය අගේ කොට මුලින් ආ දෙයට හානි කිරීම. / ඉතාම විශ්වාසවන්ත ලෙස ළඟින්ම සිට හතුරුකම් කිරීම. / කෙනෙකුගෙන් උදවු ලබමින් ඔහුට විපත් සිදුකිරීම.
  
  

• අකලට පල ගත් ගෙඩිය වගේ.
  යමක් නොකල්හි හෝ දුර්ලභ අවස්ථාවක හෝ සිදුවීම අරබයා යෙදෙන කියමනකි.
  
  

• අග පැලිච්ච බටලීය වගේ.
  අග පැලුණු බටලීයෙන් නැගෙන්නේ අමිහිරි ශබ්දයකි. පමණට වඩා දොඩවන්නකු          හෝ වාචාලකම ඇත්තකු හෝ හැදින්වීමට යෙදේ.
  
  

• අඟුලේ රඟ දැනෙන්නේ පැද්ද කල්හී ගඟේයා.
  යමක් පිළිබඳ නිසි අවබෝධය ලබා ගත හැක්කේ එය ක්‍රියාත්මක කිරීමෙනි.
  
  

• අටුව කඩලා පුටුව හැදුවා වගෙයි.
  එක් වැදගත් දෙයක් තනා ගැනීමට තවත් එවැනිම වටිනා දෙයක් නැති කරගැනීම.
  
  

• අට්ටික්කා ගහේ මල් පිපුණා වගෙයි.
  සිදුවිය නොහැකි දෙයක් ගැන කියවෙන්නෙකි.
  
  

• අඬුව තියෙද්දී අත පුච්චා ගත්තා වගෙයි.
  යමක් කිරීමට නිසි මඟක් තියෙද්දී අනවශ්‍ය ලෙස ක්‍රියා කොට විපත් පමුණුවා ගැනීම අඟවන්නකි.   
  
  
• ආඬි හත්දෙනාගේ කැඳ හැලිය වගේ.
  යම් දෙයකට සම්බන්ධ වී ඇති සියලු ම අය කපටි ලෝභ අය නිසා කරන දෙය නිසියාකාරව සිදු නොවීම.
  
  

• අළු ගොඩට පිම්බා වගේ.
  අනවශ්‍ය කරදර අවුස්සාලන අනුවණ ක්‍රියාවන් කිරීමේ දී යෙදෙයි.
  
  

• අබ කෑ මිනිහගේ නහය දනවලු.
  වරදක් කළ අයෙක් හැසිරෙන ආකාරයෙන් ඔහු වරදක් කල බව පෙනෙන විට කියවේ.
  
  

• අඬන්න ඕනලු කිරි එරෙන්න.
  යමක් ලබා ගැනීමට උත්සාහ කළ යුතුය.
  
  

• අබරා සිල් ගත්තා වගේ.
  තමන්ට කළ නොහැකි දෙයක් කිරීමට ගොස් අමාරුවේ වැටුණු කෙනෙකු ගැන කීමේ දී යෙදේ.  
  
  
• අනුන්ගෙ පහනෙන් එළිය බලනවා වගේ.
  තමා කිසිම වියදමක් නොකර අනුන්ගේ වියදමින් කටයුතු කර ගන්නා අවස්ථාවලදී යෙදේ.
  වෙනත් අයෙකු කරන දෙයකින් තමන් ද ප්‍රයෝජන ගැනීම.
  
  
• අල්ලපු අත්තත් නෑ පයගහපු අත්තත් නෑ.
  සිටින තරමට වඩා ඉහළ තත්ත්වයක් ලබා ගැනීමට ගොස් අවස්ථා දෙකම නැති වුණු විටදී යෙදේ.
  
  
• අහසට ඉණිමං බඳිනවා වගේ.
  නිෂ්ඵල ක්‍රියාවක් හැඟවීමට යෙදේ.
  
  
• අලි මදිවට හරක්.
  එක කරදරයක් මදිවට තවත් කරදරයක් පැමිණීම.
  
  
• අනින ගොනා වැඩට හොඳයි.
  සැර වැර තිබුණත් කාර්යය හොඳට තිබීම.
  
  
• අළු යට සැඟවුණු ගිනි පුපුරක් සේ.
  කාලයක් ගත වී ගියත් යළි යළිත් මතුවන ප්‍රශ්නයක් හැඟවීම. 
  
  
• අවුරුදු කන්න ගිහින් බඩගින්නේ ආවා වගෙයි.
  නිසැකවම බලාපොරොත්තු වූ දෙයක් කඩවීම.
  
  
• අඬන්න ඉන්නා විට ඇහැට ඇඟිල්ලෙන් ඇන්නා වගෙයි.
  යමක් ඉටුකර ගැනිඉමට බලාපොරොත්තුව සිටින අයෙකුට එය ඉටුවන පරිදි පිටතින් උපකාර ලැබීම.
  
  
• අන්දරේ සීනි කෑවා වගෙයි.
  වගකිව යුත්තන්ගේ අවදානය වෙනත් අතකට යොමුකර තමන්ගේ අදහස ඉටුකර ගැනීම. 
  
  
• අතීසාරයට අමුඩ ගහන්නා සේ
  යම් ගැටලුවකදී කළ යුතු දේ වෙනුවට වෙනත් නිෂ්ඵල දේ කිරීම. 
  
  
• අශ්වයාට අං ආවා වගෙයි.
  ආඩම්බර අයට තවත් ආඩම්බර වීමට කරුණු යෙදීම.
  
  
• ඇවිලෙන ගින්නට පිදුරු දානවා වගෙයි.
  අවුලක් ලිහීම වෙනුවට එම අවුල උග්‍ර කිරීමට පියවර ගැනීම.
  
  
• ඇඟෙන් ඇටයක් ගියා වගෙයි.
  තමන් සතු දෙයක් දැඩි අකැමැත්තෙන් අනුනට දීම.
  
  
• ආප්ප පනමට ඉඩම දුන්නා වගෙයි.
  විශාල අලාභයක් සිදුවන ලෙස අනුවණ ගනුදෙනුවක නිරතවීම.
  
  
• ආචාරියා රවටා කැත්ත හැදුවා වගෙයි.
  අනුන් රවටා වැඩ ගැනීමට ගොස් තමන්ම රැවටීමට ලක්වීම.
  
  
• අතු කඩා මොර කන්නා සේ.
  යමකට හෝ යමෙකුට අවාසියක් වන ලෙස තම අවශ්‍යතාව ඉටුකර ගැනීම.
  
  
• අඳු කොළ කැවිලා වගේ.
  නොගැළපෙන විකාර වැඩ කිරීම.
  
  
• ආතාට අටුකොස් දුන්නා වගෙයි.
  යමෙකුට ප්‍රයෝජනයක් ගත නොහැකි දෙයක් දීම.
  
  
• ආඳා මාළු ඉරටුවෙන් කනවා වගෙයි.
  අකැමැත්තෙන් මෙන් තම කාරිය ඉටුකරගැනීම.
  
  
• අන්ධයා කිරිවල පාට කිවුවා වගෙයි.
  වැරදි ලෙස තේරුම් ගත් දෙයක් නිවැරදි යයි සිත ප්‍රකාශ කිරීම.
  
  
• අනුන්ට කැපූ වළේ තමන්ම වැටීම.
  අනෙකෙකු විපතට පත් කිරීම සඳහා තමන් අටවන ලද උගුලකට තමන්ම හසුවී කරදරයට පත්වීම.
  
  
• අපි කන හැටි ලිපා දනී.
  තමන් අගහිඟකම්වලින් පෙළෙන බව දැක්වීම.
  
  
• අවි ගත්තෝ අවියෙන්ම නසිති.
  දරුණු ක්‍රියාවල යෙදුණු අය එයින්ම වැනසෙන බව.
  
  
• ආරේ ගුණ නෑරේ.
  ජන්මයෙන් එන පුරුද්ද අත් නොහැරිය හැකි බව.
  
  
• ඇම ගිල්ල මාළුවා වගෙයි.
  ගැලවිය නොහැකි ලෙස ප්‍රශ්නයකට කොටු වී සිටීම.
  
  
• ඇවිළෙන ගින්නට පිදුරු දැමීම.
  ආරවුල් හෝ අවුලක් ඇති තැනකට තවත් ආරවුල් ඇති කිරීමට කටයුතු කිරීම.
  
  
• අටුව කඩා පුටුව හැදුවා වගේ.
  වටිනා දෙයක් විනාශ කර නොවටිනා දෙයක් කිරීම.
  
  
• ඇද මිනිහාගේ සෙවනැල්ලත් ඇදයි.
  යමක අඩුපාඩු ඇත්නම් සෑම අවස්ථාවකම එය පෙනෙන බව.
  
  
• ඇට නැති දිවෙන් මොනවා කියන්නට බැරිද?
  පාලනයකින් තොරව නොහික්මුණු ලෙස වචන පාවිච්චි කිරීම.
  
  
• අටුවෙන් දුමට බැස්සා වගේ.
  තිබුණු කරදරයට වඩා, වැඩි කරදරයකට පත්වීම.
  
  
• අඳුනන බල්ල බිරුව වගේ.
  බිය නොවිය යුතු තර්ජනයක්.
  
  
• අඩියෙන් අඩියට ගම පැත්තටලු.
  හැම දෙයක්ම තමන්ගේ වාසියට.
  
  
• ඇස් අරහන්නට තොල සඳුන් ගානා සේ.
  අවශ්‍යතාවය තිබිය දී වෙනත් දෙයක් කිරීම.
  
  
• අල්ලට බත් දුන්නා වගේ.
  නොදී බැරිකමට කරන පරිත්‍යාගය.
  
  
• ඇටි කෙහෙල් කාපු උගුඩුවා වගේ.
  නිවැරදි කළ නොහැකි වරදකට අසුවූ අයෙක් පිළිබඳව කීමට යොදාගනී.
  
  
• ඇමක් දී මාළුවකු අල්ලා ගන්නවා වගෙයි.
  සුළු දෙයක් දී ලොකු අය රවටා ගැනීම.