" ව, ස, හ "

• වඳින්න ගිය දේවාලය හිසේ කඩන් වැටුණා වගෙයි.
  යහපත් වැඩක් / උදව්වක් කරන්නට ගොස් එයින් තමන්ට නැති කරදර සිදුවීම.
  
  
• වක්කඩ කැඩුවා වගේ.
  පාලනයකින් තොරව වාචාල ලෙස කතා කිරීම.
  
  
• වඩා ගත්තාට බෙල්ල මිරිකුවා වගෙයි.
  උපකාරයක් කළ තැනැත්තාට අපකාරයක් /කරදරයක් කිරීම.
  
  
• වැටෙන්න යනකොට කටු අත්තක් අල්ලා ගත්තා වගෙයි.
  එක කරදරයකින් මිදෙන්නට උත්සාහ කරන විට තවත් කරදරයකට පත්වීම.
  
  
• වක්කඩේ හකුරු හැංගුවා වගෙයි.
  නිෂ්ඵල වැඩක යෙදීම. / විනාශවන තැනක යමක් ආරක්ෂාවට තැබීම.

• වඩුවගේ ගෙදර පුටුවක් නැතුවා වගෙයි.
  තමන්ට කරගත හැකි දේ තමා කර නොගෙන අනුන්ට කර දීම.
  
  
• වැටක් නැති වත්තට හරක් එනවා වගෙයි.
  ආරක්ෂාව නොමැති කල පාඩු සිදුවේ.
  
  
• වැස්සට කරෝල වේලුවා වගෙයි.
  අවස්ථාවට නොගැළපෙන දෙයක් කිරීම.
  
  
• වංසේ කබල් ගෑවා වගෙයි.
  කිසිම හැකියාවක් නැති අයෙකු තමාගේ පරම්පරාවේ නම්බුව ගැන කතා කිරීම.

• සල්ලි දෙයියන්ගෙ මල්ලිලු.

        මුදල්වලට ඕනෑම දෙයක් කල හැකි බව. (මුදල් දෙවියන් සේ බලවත් බව)

• සාත්තුව සින්න වුණා වගේ.

        යමෙකුට උදව්වක් කල පසු, එය යුතුකමක් සේ සලකා නැවත නැවත කරවා ගන්නට බල                 කරන විට පැවසේ.

• සාස්තරේ විතරක් මදි සූස්තරෙත් ඕනලු.

        ශිල්ප පමණක් නොව එය නිවැරදිව භාවිතා කිරීමට හැකියාවත් අවශ්‍ය වන බව.

• සිත ඇත්නම් පත කුඩාද?

        සිතුවොත් කරන්න බැරි දෙයක් නැහැ.

• සුප් එකට කෝකි වැඩිවුණා වගේ.

        දන්නා පිරිස වැඩිවූ විට කරන කාර්යය නිසි ලෙස කරගැනීමට නොහැකි වේ.

• සෙක්කුවේ බැන්ද හරකා වගේ.

        විවේකයක් නොගෙන එකදිගටම වැඩ කිරීම./ එකම රටාවකට ජිවත්වන පුද්ගලයා.

• හොරාගෙ අම්මගෙන් පේන ඇහුවා වගෙයි.
  වැරදි වසන් කරන අයගෙන්ම වැරැද්දක් ගැන ඇසීම.
  
  
• හිල් කූඩෙන් වතුර අදිනවා වගෙයි.
  ප්‍රයෝජනයක් නොමැති දෙයකට මහන්සිවීම.

• හිඟන්නාගේ පාත්තරේ හෙනහුරා වැහුවා වගෙයි.
  දුකට පත් අය තවත් දුකට පත්වීම.
  
  
• හතර බීරි කතාව වගෙයි.
  යම් කිසි සිදුවීමක් ගැන ඊට අදාළ අය කරන ප්‍රකාශන එකිනෙකට සම්බන්ධ නැතිවීම.