" ක, ග, ච, ජ "

• කල දුටු කල වල ඉහගන්නා සේ
  අවස්ථාවල් ලද විට ඉන් උපරිම ලෙස ප්‍රයෝජන ගැනීමට කටයුතු කිරීම.
  
  
• කපන්න බැරි අත සිඹින්නා සේ
  යමෙකුගෙන් පළි ගැනීමට හෝ තමාට යමක් කර ගැනීමට නොහැකි වූ තැන බොරුවට හිතවත් කම් පෙන්වීම.
  
  
• කොකාට වාරයක් ආවම තිත්තයාටත් වාරයක් එනවාලු
  සමාජයේ ප්‍රබල පුද්ගලයින්ට වගේම දුර්වල අයටත් අවස්ථාවක් උදාවන බව.
  
  
• කැකිල්ලේ රජ්ජුරුවන්ගේ නඩු තීන්දුව වගෙයි.
  වැරදි විනිශ්චය නිසා අහිංසකයකු දඬුවම් ලැබීම.
  
  
• කටුස්සාගේ කරේ රත්තරන් බැන්දා වගෙයි.
  ළඟ දී යම්කිසි වස්තුවක් ලැබී ඉතා ආඩම්බර වීම. /නුසුදුස්සාට තනතුරු (වරප්‍රසාද) ලබාදීමෙන් අහංකාර වීම.
  
  
• කළුවා මාරපන ගියා වගෙයි.
  කියන ලද දෙය තේරුම් නොගෙන කිසිවකුටත් ප්‍රයෝජනයක් නැති වැඩක් කිරීම.
  
  
•  කිරි කළයට ගොම මුසු කළා වගෙයි.
  යහපත් වැඩ රාශියක් කර අවසානයේ අයහපත් වැඩක් කිරීම.
  
  
• කුඩම්මා ඇවිත් කැවුම් පුංචි කළා වගෙයි. / පුංචි අම්මා ඇවිත් කැවුම් පුංචි කළා වගෙයි.
  විශාල බලාපොරොත්තුවක් තැබූ කෙනෙකුගෙන් ඒ බලාපොරොත්තුව ඉටු නොවීම. 
  ප්‍රසන්න පුද්ගලයකුගෙන් අප්‍රසන්න ක්‍රියාවක් සිදුවීම.
  
  
• කොකා දිය හිඳෙන තුරු බලා සිටියා වගෙයි.
  යම් දෙයක් ලබා ගැනීමට දිගු කලක් බලා සිටීමට සිදුවීම.
  
  
• කුරුල්ලන්ට වැට බැන්දා වගෙයි.
  අසාර්ථක කාර්යයක නිරතවීම.
  
  
• කිඹුලා කිරි මැටි ගිලිනවා වගෙයි.
  රසයක් ගුණයක් ගැන නොසිතා ආහාර විශාල ප්‍රමාණයක් ගිල දැමීම.
  
  
• කණ කැස්බෑවා විය සිදුරෙන් අහස බලනවා වගෙයි.
  ඉතාමත් කලාතුරකින් සිදුවිය හැකි දෙයක් වීම.
  
  
• කන්ද පහුවුණාම හැරමිටිය විසිකරනවා වගෙයි.
  තමන්ගේ කාර්යය කරගත් පසු ඒ සඳහා උපකාර කළ අය නොසලකා හැරීම.
  
  
• කපන්න බැරි අත සිඹිනවා වගෙයි. / කපන්ට බැරි අත ඉඹිනවලු.
  විරුද්ධවාදියගෙන් පළිගැනීමට නොහැකි විට ඔහු පිළිබඳව මිත්‍ර ලීලාවෙන් කතා කිරීම.
  
  
• කම්මලේ ඉන්න බල්ලා වගෙයි.
  යමකට පුරුදු වූ විට එහි අපහසුතාවක් නොදැනීම.
  
  
• කුරුල්ලා මිටෙන් ඇරියා වගෙයි.
  තම අභිමතය පරිදි නිදහසේ කටයුතු කිරීමට ඉඩ ලැබීම.
  
  
• කිතුල් ගහට ගිය මිනිහා වගෙයි.
  කපටියාට ඕනෑම වරදක් කර නිදහසට කීමට කරුණු ඇත.
  
  
• කුඤ්ඤය ගැළවූ වඳුරා වගෙයි.
  අනවශ්‍ය දේ කිරීමට ගොස් කරදරේ වැටීම.
  
  
• කොටි වලිගය අල්ලා ගත්තා වගෙයි.
  පටන් ගත් දෙය ඉවර කර ගැනීමටත් අත් හැරීමටත් නොහැකි වීම.
  
  
• කොටියාට හරක් පට්ටිය බාර දුන්නා වගෙයි.
  හොරෙකුට යමක් ආරක්ෂා කිරීමට භාරදීම.
  
  
• කුස රජ්ජුරුවොත් මසුන් කද ඇද්දලු.
  උතුමන්ට පවා පහත් වැඩ කිරීමට සිදුවේ.
  
  
• කුඩු කෑ විත්තිය වගෙයි.
  නින්දා කටයුතු ක්‍රියාවක් හෙළිවීමට බියවීම.
  
  
• කළ හොඳ පස්සෙන් එනවා වගෙයි.
  උදවු කළ අයගෙන් විපත් සිදුවීම.
  
  
• කබලෙන් ළිපට වැටුණා වගෙයි.
  කරදර විඳිමින් සිටි කෙනෙකුට ඊට වඩා විශාල කරදරයක් සිදුවීම.
  
  
• කකුළුවා තම පැටවුන්ට කෙළින් යන්න ඉගැන්නුවා වගෙයි.
  තමා වැරදි කරමින් එසේ නොකරන ලෙස අවවාද කිරීම.
  
  
  
  
  
• ගොනයි මීමයි වගේ.
  යම්කිසි දේවල් දෙකක් හෝ දෙදෙනෙක් කිසිසේත්ම නොගැළපෙන බව.
  
  
• ගමරාල සිල්ගත්තා වගෙයි.
  නොදන්නා දෙයක් කිරීමට ගොස් මෝඩකම නිසා අපහසුවට පත්වීම.
  
  
• ගමරාලගේ වංගෙඩිය වගෙයි.
  එක ම දේ කිහිප ආකාරයකට ප්‍රයෝජනයට ගැනීම. / විවිධ වැඩ කිහිපයක් සඳහා එකම දෙය (උපකරණය) යොදා ගැනීම.

• ගිය නුවණ ඇතුන් ලවා වත් අද්දවන්න බැරිලු
  යමෙකු අතින් වරදක් සිදු වූ පසු නැවත එය නිවැරදි කිරීමට නොහැකි වීම.
  
  
• ගඟට ඉනි කැපුවා වගෙයි.
  මහන්සිවී කරන වැඩ වලින් අවසානයේ කිසිම ප්‍රයෝජනයක් නොලැබීම හෝ ප්‍රයෝජනයක් ලැබිය නොහැකි ලෙස මෝඩ ක්‍රියාවක් කිරීම.
  
  
• ගහපු පදේකුත් නෑ, බෙරේ පළුවකුත් නෑ
  යම්කිසි කාර්යයක් කිසිදු ප්‍රතිඵලයක් නොලබා පාඩු සිදු වීම.

• ගුරුන්ටත් අකුරු වරදිනවා වගෙයි.
  යමක් හොඳින් දන්නා අය අතිනුත් වැරදි සිදුවන බව.
  
  
• ගඟෙන් වතුර බී මුහුදට ආ වඩනවා වගෙයි.
  උපකාර ලබා ගත් තැනැත්තා සිහිපත් නොකොට අන් අයව පැසසීම.
  
  
• ගලේ කෙටූ අකුරු වගෙයි.
  මොනයම් හේතුවක් නිසා හෝ කි දෙය වෙනස් නොකිරීම.
  
  
• ගහෙන් වැටුණු මිනිහට ගොනා ඇන්නා වගෙයි.
  කරදරයක් වූ අයෙකුට ඒ පිටම තවත් කරදරයක් සිදුවීම.
  
  
• ගිරයට හසුවූ පුවක් ගෙඩිය වගෙයි.
  දෙපැත්තකින් තැළෙන ගැළවෙන්නට අපහසු කරදරයකට පත්වීම.
  
  
• ගෙම්බා බඩ පිම්බුවා වගෙයි.
  පුහු ආඩම්බරය නිසා විනාශයට පත්වීම.
  
  
• ගෝනි නැතුව කරේ යන්න හදනවා වගෙයි.
  දෙන ලද සහනයෙන් අයුතු ප්‍රයෝජන ගැනීමට උත්සහ කිරීම.

• ජාඩියට මූඩිය වගෙයි.
  හරියටම ගැළපෙන බව / හොඳින්ම ගැළපෙන බව.