• බල්ලා පිදුරු කන්නෙත් නෑ, කන ගොනාට දෙන්නෙත් නෑ.
  තමන් ප්‍රයෝජනයට ගන්නෙත් නැහැ. අනුන්ට ප්‍රයෝජන ගන්න දෙන්නෙත් නැහැ.
  
  
• බණ බැරි වුණාට ගම තොටගමුවලු.
  යමක් කරන්නට හැකියාව නොතිබුණාට, බොරු පුරාජේරුව පෙන්වීම.
  
  
• බල්ලන්ට ලෙලි පොල් දුන්න වගේ.
  කිසිදු ප්‍රයෝජනයකට නැති පරිත්‍යාගයක්.
  
  
• බල්ලගේ වැඩේ බූරුවා කළා වගේ.
  තමාට අයිති නැති රාජකාරියක් කිරීමට ගොස් අමාරුවේ වැටීම.
  
  
• බල්ලට කිව්වහම බලු නකුටට (වලිගෙට) කියනවා වගේ.
  කෙනෙකුට යම් කාර්යයක් පැවරූ විට, එය අන් අයට පැවරීම.
  
  
• බත් ඇති තැනටමලු කොස්.
  බොහෝ දෑ  ඇති තැනටම වාසි සැලසීම.
  
  
• බළලුන් ලවා කොස් ඇට බාවනවා වගේ.
  තම වාසිය සලසා ගැනීම සඳහා තවත් අයකු අවදානමකට පත් කිරීම. 
  
  
• බැඳලා ගැහැව්වත් එකයි, ගහල බැන්දත් එකයි.
  කුමන ආකාරයට කළත් ප්‍රතිඵලය එකක්විම.
  
  
• බීරි අලියාට වීනා වාදනය කරනවා වගේ.
  අවවාද, අනුශාසනා කිරීමෙන් ප්‍රයෝජනයක් නොවන බව.
  
  
• බුරන බල්ලා හපා නොකයි.
  ශබ්දය තරමට ක්‍රියාව සිදු නොවීම.