උපාය දන්නෝ අපායේ නොවැටෙති.

හැකියාව/දක්ෂකම/ තැනට සුදුසු ලෙස ක්‍රියා කිරීමට හැකියාව තිබෙන කෙනා කරදරයට පත් නොවේ.

•  සල්ලි දෙයියන්ගෙ මල්ලිලු.

මුදල්වලට ඕනෑම දෙයක් කල හැකි බව. (මුදල් දෙවියන් සේ බලවත් බව)

• සාත්තුව සින්න වුණා වගේ.

යමෙකුට උදව්වක් කල පසු, එය යුතුකමක් සේ සලකා නැවත නැවත කරවා ගන්නට බල කරන විට පැවසේ.

• සාස්තරේ විතරක් මදි සූස්තරෙත් ඕනලු.

ශිල්ප පමණක් නොව එය නිවැරදිව භාවිතා කිරීමට හැකියාවත් අවශ්‍ය වන බව.

• සිත ඇත්නම් පත කුඩාද?

සිතුවොත් කරන්න බැරි දෙයක් නැහැ.

• සුප් එකට කෝකි වැඩිවුණා වගේ.

දන්නා පිරිස වැඩිවූ විට කරන කාර්යය නිසි ලෙස කරගැනීමට නොහැකි වේ.

• සෙක්කුවේ බැන්ද හරකා වගේ.

විවේකයක් නොගෙන එකදිගටම වැඩ කිරීම./ එකම රටාවකට ජිවත්වන පුද්ගලයා.

Sinhala Jana Kavi | kurakkan kavi | සිංහල ජන කවි | කුරක්කන් කවි

Karatta kavi - Sinhala Jana Kavi

ජාඩියට මූඩිය වගෙයි.

හරියමට ගැලපෙන බව / හොදින්ම ගැලපෙන බව.

ජන්මෙට වඩා පුරුද්ද ලොකුයි.

පුරුද්දට ගිය ගති ගුණ අත් හැරිය නොහැකිය.

ජරමර අස්සේ බර කරත්ත.

කරදර පිට කරදර ඇතිවීම.

ගොරවන තරමට වහින්නේ නැතිලු

කතාව තරමට ක්‍රියාව නොමැති වීම.

ගොළුව සින්දු කීව වගේ.

තේරුම් ගත නොහැකි දෙයක්.

ගොම රිටි යට යනව - තිරුවාන මතු වෙනවා.

සිදු නොවිය යුතු යැයි සිතන දෑ සිදුවීම.

ලිප් බොක්කේ ලැග්ග බළලා වගේ.

අලසව කැත කුණු ගාගෙන සිටින පුද්ගලයෙකුට පැවසේ.

ලුණු නැති හොද්ද වගේ.

නීරස දෙයක්.

ලූලා නැති වලට කනයා පණ්ඩිතයා

නායකයෙක් නැති වූ විට නායකත්වයට නුසුදුසු පුද්ගලයෙකු නායකයකු බවට පත් වීම.

• මීයා යකඩ කෑවා වගේ.

සිදු නොවන දෙයක් පිළිබඳව කියවේ.

• මුහුදට පොල් මට්ටයක් දැම්මා වගේ.

විශාල අඩුවකට සුළු දෙයක් ලැබීම.

• මුහුණ එක්ක තරහා වෙලා නහය කපා ගත්තා වගේ. /

         මූණත් එක්ක තරහට නහය කපා ගන්නවා වගේ

යමෙක් ගෙන් පළිගැනීමට කල දෙයකින් තමන්ට පාඩු වීම.

• මෝඩයගේ කැත හත් පොලේලු.

මෝඩයා කරන කොයි කාර්යයත් මෝඩ ක්‍රියාවක් බව.

• මෝඩයට බණ කියන්නා වගේ.

යමක් නොතේරෙන, නොපිළිගන්නා කෙනෙකුට හොඳ දෙයක වටිනාකම නැතිවීම.

නොදන්න දෙමළෙට ගිහින් වරිගෙ නහගත්තා වගේ.

     එක් ගමක කම්මල්කරුවෙක් වාසය කළේය. තම මහලු දෙමාපියන් රැක බලා ගත්තේද ඔහුය. දිනක් දෙමළ මිනිසෙකු තුවක්කුවක් ද රැගෙන කම්මලට ආවේය. තුවක්කුව තුල උණ්ඩයක් සිර වී ඇතිබවත් එය ඉවත්කර දෙන ලෙසත් ඔහු දෙමළ බසින් කම්මල්කරුට පැවසීය. දෙමළ මිනිසා සිංහල නොදැන සිටි අතර කම්මල්කරු ද දෙමළ නොදත්තේය. නමුත් තමන් දෙමළ නොදන්නා බව කීමට ඔහු අකමැති විය.

     තුවක්කුව අතට ගත් කම්මල්කරු එහි බටය තමා පැත්තට හරවාගෙන තුවක්කුව ගිනි ගොඩට අල්ලා රත් කරන්න විය. ඒ දුටු දෙමළ මිනිසා, එසේ නොකරන ලෙසත් උණ්ඩය පුපුරා යාහැකි බවත් පවසමින් දෙමළෙන් කෑ ගසන්න විය. තමාට එය තේරුණ බව ඇගවූ කම්මල්කරු තව තවත් තුවක්කුව රත්කරන්න විය. එක්වරම ඒ තුල සිරවී තිබූ උණ්ඩය පුපුරා වෙඩිල්ල කම්මල්කරුගේ පපුවටම වැදී ඔහු මිය ගියේය.

     කම්මල්කරු මිය යාම නිසා මහලු දෙමාපියන් රැක බලා ගැනීමටද කෙනෙක් නැති විය.  නොදන්න දෙමළෙට ගිහින් වරිගෙ නහගත්තා යැයි පවසමින් මහලු දෙමාපියන් දුක් විය.

යමක් පිළිබද නිසි අවබෝධයක් නොමැතිව ඒ බව දන්නා සේ පෙන්වා කටයුතු කර පසුව අමාරුවේ වැටුණු විට "නොදන්න දෙමළෙට ගිහින් වරිගෙ නහගත්තා වගේ" යන ප්‍රස්ථාව පිරුල භාවිතා වේ.