ගහපු පදේකුත් නෑ, බෙරේ පළුවකුත් නෑ 
යම්කිසි කාර්යයක් කිසිදු ප්‍රතිඵලයක් නොලබා පාඩු සිදු වීම.

තමන්ගේ ඇහේ තියෙන පොල් පරාලෙට වඩා අනුන්ගේ ඇහේ තියෙන පොල් කීර ලොකුයිලු
තමන්ගේ වැරදි සඟවාගෙන අනුන්ගේ වැරදි කතා කිරීම.

පිදුරු ගොඩේ ඉදිකටුව නැති වුණා වගේ
යමක් නැති වී සොයා ගැනීමට අපහසු වීම.

පෙරළෙන ගලේ පාසි නොබැඳේ 
නිතර කාර්යයන් හි යෙදී සිටින පුද්ගලයාගේ දැනුම මුවහත් වේ.

වී පැදුරට කුකුළා එන්නා සේ
යම් පුද්ගලයෙකු නිතර නිතර තැනකට පැමිණීම.

රත්තරන් ඉදිකට්ට වුණත් ඇහේ ඇනුණොත් කණ වෙනවාලු
ඉතා වටිනා දෙයක් වුවත් එය අනතුරුදායක නම් ප්‍රවේසම් විය යුතුය.

ගමේ යකා, පිට යකාට වඩා හොඳලු
තමන් හොඳින් හදුනනට පුද්ගලයින් අහම්බෙන් මුණගැසෙන දුර බැහැර පුද්ගලයන්ට වඩා හොඳය.

තල් අත්තට බොරලු ගසන්නා වගේ
කෙනෙකුගේ කතාව අන් අයට විශාල කන්දොස්කිරියාවක් වීම.

පුස්ස බින්දා වගේ
බලාපොරොත්තු සුන් වී  යාම.

පාලු ගෙයි වළං බිඳින්නා වගේ
අවශ්‍ය පුද්ගලයා නැති වටකදී ගර්ජනය කර කෑ කෝ ගැසීම හෝ බියගුළු දෙයක් කිරීම.