• හොරාගෙ අම්මගෙන් පේන ඇහුවා වගෙයි.
  වැරදි වසන් කරන අයගෙන්ම වැරැද්දක් ගැන ඇසීම.
  
  
• වක්කඩේ හකුරු හැංගුවා වගෙයි.
  නිෂ්ඵල වැඩක යෙදීම. / විනාශවන තැනක යමක් ආරක්ෂාවට තැබීම.
  
  
• කටුස්සගේ කරේ රත්තරන් බැන්දා වගෙයි.
  යම් වස්තුවක්/ යම් තනතුරක් ලැබීමෙන් ඉතා ආඩම්බර වීම.
  
  
• යුද්දෙට නැති කඩුව කොස් කොටන්නද?
  අවශ්‍ය විටෙක ප්‍රයෝජනයට ගැනීමට නැති දේ, අනවශ්‍ය විටෙකද ප්‍රයෝජනයක් නැති බව.
  
  
• ගොනයි මීමයි වගේ.
  යම්කිසි දේවල් දෙකක් හෝ දෙදෙනෙක් කිසිසේත්ම නොගැළපෙන බව.
  
  
• රයිගමයයි ගම්පලයයි වගේ.
  එක වගේ කපටියන් දෙදෙනෙකු බව.
  
  
• බැද්දට පායපු හඳ වගෙයි.
  වටින දෙයකින් කිසිවකුට ප්‍රයෝජනයක් ගැනීමට නොහැකි වීම.