• වඩා ගත්තාට බෙල්ල මිරිකුවා වගෙයි.
  උපකාරයක් කළ තැනැත්තාට අපකාරයක් /කරදරයක් කිරීම.
  
  
• බල්ලන්ට ලෙලි පොල් දුන්නා වගෙයි.
  යමකින් ප්‍රයෝජනයක් ගත නොහැකි කෙනෙකුට එය තෑගි දීම.
  
  
• වැටෙන්න යනකොට කටු අත්තක් අල්ලා ගත්තා වගෙයි.
  එක කරදරයකින් මිදෙන්නට උත්සාහ කරන විට තවත් කරදරයකට පත්වීම.
  
  
• රජ ගෙදර පරෙවියා වගෙයි.
  සැප සම්පත් වලින් අඩුවක් නොමැතිව සතුටින් සිටීම.
  
  
• මිටි කිරි ඉවතලා දියකිරි ගත්තා වගෙයි.
  යහපත් දේ ඉවතලා අයහපත් දේ පිළිගැනීම./ අවශ්‍ය දෙය නොගෙන අනවශ්‍ය දේ ගැනීම.
  
  
• බීරාගෙන් පාර ඇහුවා වගෙයි.
  විසඳුමක් ලබාදිය නොහැකි අයකු වෙත ප්‍රශ්නයක් ඉදිරිපත් කිරීම.
  
  
• බල්ලාගේ වැඩේ බූරුවා බාරගත්තා වගෙයි.
  තමාට අයිති නැති රාජකාරියක් කිරීමට ගොස් අමාරුවේ වැටීම.
  
  
• පුස්ස බින්දා වගෙයි.
  කරන ලද දෙයින් කිසිම ප්‍රයෝජනයක් නොලැබීම.
  
  
• පිදුරු ගොඩේ ඉන්න බල්ලා වගෙයි.
  යමකින් තමන් ප්‍රයෝජනයක් නොගෙන අනුන්ටත් ප්‍රයෝජනයක් ගැනීමට ඉඩ නොදීම.
  
  
• දෙබරෙට ගල් ගැහුවා වගෙයි.
  තමන් විසින්ම නොතිබූ කරදර ඇතිකර ගැනීම.