Karatta kavi - Sinhala Jana Kavi

ජාඩියට මූඩිය වගෙයි.

හරියමට ගැලපෙන බව / හොදින්ම ගැලපෙන බව.

ජන්මෙට වඩා පුරුද්ද ලොකුයි.

පුරුද්දට ගිය ගති ගුණ අත් හැරිය නොහැකිය.

ජරමර අස්සේ බර කරත්ත.

කරදර පිට කරදර ඇතිවීම.

ගොරවන තරමට වහින්නේ නැතිලු

කතාව තරමට ක්‍රියාව නොමැති වීම.

ගොළුව සින්දු කීව වගේ.

තේරුම් ගත නොහැකි දෙයක්.

ගොම රිටි යට යනව - තිරුවාන මතු වෙනවා.

සිදු නොවිය යුතු යැයි සිතන දෑ සිදුවීම.

ලිප් බොක්කේ ලැග්ග බළලා වගේ.

අලසව කැත කුණු ගාගෙන සිටින පුද්ගලයෙකුට පැවසේ.

ලුණු නැති හොද්ද වගේ.

නීරස දෙයක්.

ලූලා නැති වලට කනයා පණ්ඩිතයා

නායකයෙක් නැති වූ විට නායකත්වයට නුසුදුසු පුද්ගලයෙකු නායකයකු බවට පත් වීම.

• මීයා යකඩ කෑවා වගේ.

සිදු නොවන දෙයක් පිළිබඳව කියවේ.

• මුහුදට පොල් මට්ටයක් දැම්මා වගේ.

විශාල අඩුවකට සුළු දෙයක් ලැබීම.

• මුහුණ එක්ක තරහා වෙලා නහය කපා ගත්තා වගේ. /

         මූණත් එක්ක තරහට නහය කපා ගන්නවා වගේ

යමෙක් ගෙන් පළිගැනීමට කල දෙයකින් තමන්ට පාඩු වීම.

• මෝඩයගේ කැත හත් පොලේලු.

මෝඩයා කරන කොයි කාර්යයත් මෝඩ ක්‍රියාවක් බව.

• මෝඩයට බණ කියන්නා වගේ.

යමක් නොතේරෙන, නොපිළිගන්නා කෙනෙකුට හොඳ දෙයක වටිනාකම නැතිවීම.

නොදන්න දෙමළෙට ගිහින් වරිගෙ නහගත්තා වගේ.

     එක් ගමක කම්මල්කරුවෙක් වාසය කළේය. තම මහලු දෙමාපියන් රැක බලා ගත්තේද ඔහුය. දිනක් දෙමළ මිනිසෙකු තුවක්කුවක් ද රැගෙන කම්මලට ආවේය. තුවක්කුව තුල උණ්ඩයක් සිර වී ඇතිබවත් එය ඉවත්කර දෙන ලෙසත් ඔහු දෙමළ බසින් කම්මල්කරුට පැවසීය. දෙමළ මිනිසා සිංහල නොදැන සිටි අතර කම්මල්කරු ද දෙමළ නොදත්තේය. නමුත් තමන් දෙමළ නොදන්නා බව කීමට ඔහු අකමැති විය.

     තුවක්කුව අතට ගත් කම්මල්කරු එහි බටය තමා පැත්තට හරවාගෙන තුවක්කුව ගිනි ගොඩට අල්ලා රත් කරන්න විය. ඒ දුටු දෙමළ මිනිසා, එසේ නොකරන ලෙසත් උණ්ඩය පුපුරා යාහැකි බවත් පවසමින් දෙමළෙන් කෑ ගසන්න විය. තමාට එය තේරුණ බව ඇගවූ කම්මල්කරු තව තවත් තුවක්කුව රත්කරන්න විය. එක්වරම ඒ තුල සිරවී තිබූ උණ්ඩය පුපුරා වෙඩිල්ල කම්මල්කරුගේ පපුවටම වැදී ඔහු මිය ගියේය.

     කම්මල්කරු මිය යාම නිසා මහලු දෙමාපියන් රැක බලා ගැනීමටද කෙනෙක් නැති විය.  නොදන්න දෙමළෙට ගිහින් වරිගෙ නහගත්තා යැයි පවසමින් මහලු දෙමාපියන් දුක් විය.

යමක් පිළිබද නිසි අවබෝධයක් නොමැතිව ඒ බව දන්නා සේ පෙන්වා කටයුතු කර පසුව අමාරුවේ වැටුණු විට "නොදන්න දෙමළෙට ගිහින් වරිගෙ නහගත්තා වගේ" යන ප්‍රස්ථාව පිරුල භාවිතා වේ. 

Download Sinhala Jana kavi android app

සිංහල ජන කවි යනු ඕනෑම වයසක සිටින සියලුම සිසුන් සඳහා සිංහල ජන කවි, ජන කතා  සහ ඉතා ප්‍රයෝජනවත් සිංහල භාෂා සම්පත් සපයන ඇන්ඩ්‍රොයිඩ් යෙදුමකි.

මෙහි 

විවිධ වර්ගයේ ජන කවි:
• කරත්ත කවි
• පැල් කවි
• ගොයම් කවි
• නෙළුම් කවි
• පතල් කවි
• කමත් කවි 
• පාරු කවි
• බඹර කවි
• කුරක්කන් කවි
• ඔලිද කවි
• රබන් පද
• ඔන්චිලි වරම්
• මේවර කෙළිය 
• නැලවිලි කවි
• රබන් කවි
• ලී කෙලි කවි
• කලගෙඩි කවි සහ තවත් ජන කවි 

සිංහල භාෂාව සඳහා උපකාරක සම්පත්
• සමාන පද
• විරුද්ධ පද
• තනි පද
• යුගල පද
• ප්‍රස්ථා පිරුළු
• තේරවිලි

 •කෙටි නාම (සිංහල සහ  ඉංග්‍රීසි )

ජන කතා 

තවත් උපකාරක සම්පත්, ජන කවි සහ ජන කතා මෙයට නිතරම එක් වෙනු ඇත.

Sinhala Jana Kavi

• කපුරාළට දුම්මල වරම දුන්න වගේ.
  කෝප වූ අයෙක්ව තවත් කෝප කිරීම.
  
  
• කරන වැඩකුත් නෑ හෙමින් ගමනකුත් නෑ.
  මොකුත් නොකලත් බොහෝ දේ කරන්නා සේ සිටින්නන් ගැන පවසයි.
  
  
• කටුස්සො කාපු බැළලි වගේ.
  තමුන් විසින්ම අමාරුවට පත්වීම.
  
  
• කුඩු මිරිස් කෑ රිලවා වගේ.
  අනවශ්‍ය ලෙස දඟලන පුද්ගලයන් ගැන පවසයි.
  
  
• කණා  කිරි කෑවා වගේ.
  නොතේරෙන පුද්ගලයෙකුට උදාහරණ දීම.
  (කණා කිරි මොන පාටදැයි අසන විට කෙනෙකු එය සුදු පාට යැයි කියයි. සුදු මොනවගේ ද අසන විට කොකෙක් වගේ යැයි කියයි. කොකා මොන වගේදැයි අසන විට මේ වගේ යැයි අත නමා හැඩය පෙන්වයි. අත අල්ලා බලන කණා එය කෑවොත් කට කැඩෙයි පවසා කිරි නොකා සිටියි.)
  
  
• කොකාගේ සුද පෙන්නේ ඉගිලෙන කොටලු.
  හොඳ මිනිසුන් ලෙස පෙනී සිටින අයගේ සැබෑ ගතිගුණ හෙළි වූ විට පවසයි.
  
  
• කොට්ටෝරුවා කෙහෙල් ගහට කෙටුවා වගේ.
  චණ්ඩිකම් කරන පුද්ගලයකු බලවත් පුද්ගලයකු හමුවේ පරාජය වීම.
  
  
• කේජු බෙදන්න වඳුරට දුන්නා වගේ.
  කපටි මිනිසෙකුට අසුවීම සම්බන්ධයෙන් කියයි.
  
  
• කොකාට වාරයක් නම් තිත්තයටත් වාරයක් තියෙනවලු.
  සෑම  කෙනෙකුටම අවස්ථාවක් ලැබෙන බව.

• නම කපුරුහාමි වුණාට කටේ ගඳ හත් ගව්වකට දැනෙනවාලු.
  නමින් නොව ක්‍රියාවෙන් මිනිසකු පිළිබඳව තීරණය කළ යුතු බව.
  
  
• නයා ගුරුලගෙන් සැප සනීප ඇහැව්වලු.
  ප්‍රබලයන් සමඟ සිටින දුර්වල පුද්ගලයන් ප්‍රබලයන් ඇසුරෙන් ඔද වැඩී ඒ බලය පෙන්වීම.
  
  
• නයාට අඳු කොළ වගේ.
  දැකීමට කිසිම කැමැත්තක් නොතිබීම.
  
  
• නාහෙට උඩින් අඟලක් ගියත් එකයි, අඩියක් ගියත් එකයි.
  සීමාව ඉක්මවා කරදර තියෙද්දී තව කරදර එක්වුණාට වෙනසක් දැනෙන්නේ නැහැ.
  
  
• නිදන් ඉන්න කොටි අවුස්සනවා.
  නැති කරදර සොයා යනවා.

• බල්ලා පිදුරු කන්නෙත් නෑ, කන ගොනාට දෙන්නෙත් නෑ.
  තමන් ප්‍රයෝජනයට ගන්නෙත් නැහැ. අනුන්ට ප්‍රයෝජන ගන්න දෙන්නෙත් නැහැ.
  
  
• බණ බැරි වුණාට ගම තොටගමුවලු.
  යමක් කරන්නට හැකියාව නොතිබුණාට, බොරු පුරාජේරුව පෙන්වීම.
  
  
• බල්ලන්ට ලෙලි පොල් දුන්න වගේ.
  කිසිදු ප්‍රයෝජනයකට නැති පරිත්‍යාගයක්.
  
  
• බල්ලගේ වැඩේ බූරුවා කළා වගේ.
  තමාට අයිති නැති රාජකාරියක් කිරීමට ගොස් අමාරුවේ වැටීම.
  
  
• බල්ලට කිව්වහම බලු නකුටට (වලිගෙට) කියනවා වගේ.
  කෙනෙකුට යම් කාර්යයක් පැවරූ විට, එය අන් අයට පැවරීම.
  
  
• බත් ඇති තැනටමලු කොස්.
  බොහෝ දෑ  ඇති තැනටම වාසි සැලසීම.
  
  
• බළලුන් ලවා කොස් ඇට බාවනවා වගේ.
  තම වාසිය සලසා ගැනීම සඳහා තවත් අයකු අවදානමකට පත් කිරීම. 
  
  
• බැඳලා ගැහැව්වත් එකයි, ගහල බැන්දත් එකයි.
  කුමන ආකාරයට කළත් ප්‍රතිඵලය එකක්විම.
  
  
• බීරි අලියාට වීනා වාදනය කරනවා වගේ.
  අවවාද, අනුශාසනා කිරීමෙන් ප්‍රයෝජනයක් නොවන බව.
  
  
• බුරන බල්ලා හපා නොකයි.
  ශබ්දය තරමට ක්‍රියාව සිදු නොවීම.

• අකලට පල ගත් ගෙඩිය වගේ.
  යමක් නොකල්හි හෝ දුර්ලභ අවස්ථාවක හෝ සිදුවීම.
  
  
• අඟුලේ රඟ දැනෙන්නේ පැද්ද කල්හී ගඟේයා.
  යමක් පිළිබඳ නිසි අවබෝධය ලබා ගත හැක්කේ එය ක්‍රියාත්මක කිරීමෙනි. (භාවිතා කිරීමෙනි.)
  
  
• ඇද මිනිහාගේ සෙවනැල්ලත් ඇදයි.
  යමක අඩුපාඩු ඇත්නම් සෑම අවස්ථාවකම එය පෙනෙන බව.
  
  
• ඇට නැති දිවෙන් මොනවා කියන්නට බැරිද?
  පාලනයකින් තොරව නොහික්මුණු ලෙස වචන පාවිච්චි කිරීම.
  
  
• අටුවෙන් දුමට බැස්සා වගේ.
  තිබුණු කරදරයට වඩා, වැඩි කරදරයකට පත්වීම.
  
  
• අඳුනන බල්ල බිරුව වගේ.
  බිය නොවිය යුතු තර්ජනයක්.
  
  
• අඩියෙන් අඩියට ගම පැත්තටලු.
  හැම දෙයක්ම තමන්ගේ වාසියට.
  
  
• ඇස් අරහන්නට තොල සඳුන් ගානා සේ.
  අවශ්‍යතාවය තිබිය දී වෙනත් දෙයක් කිරීම.
  
  
• අල්ලට බත් දුන්නා වගේ.
  නොදී බැරිකමට කරන පරිත්‍යාගය.
  
  
• ඇටි කෙහෙල් කාපු උගුඩුවා වගේ.
  නිවැරදි කළ නොහැකි වරදකට අසුවූ අයෙක් පිළිබඳව කීමට යොදාගනී.

• කබලෙන් ළිපට වැටුණා වගෙයි.
  කරදර විඳිමින් සිටි කෙනෙකුට ඊට වඩා විශාල කරදරයක් සිදුවීම.
  
  
• හතර බීරි කතාව වගෙයි.
  යම් කිසි සිදුවීමක් ගැන ඊට අදාළ අය කරන ප්‍රකාශන එකිනෙකට සම්බන්ධ නැතිවීම.
  
  
• වංසේ කබල් ගෑවා වගෙයි.
  කිසිම හැකියාවක් නැති අයෙකු තමාගේ පරම්පරාවේ නම්බුව ගැන කතා කිරීම.
  
  
• කැකිල්ලෙ රජ්ජුරුවන්ගේ නඩු තීන්දුව වගෙයි.
  වැරදි විනිශ්චය නිසා අහිංසකයකු දඬුවම් විඳීම.
  
  
• උපාසක බළල්ලුත් මීයෝ අල්ලනවලු.
  යහපත් පුද්ගලයින් මෙන් පෙනී සිටින අය ද වැරදි කරන බව.
  
  
• ලෙඩ කපුටො වැළ කනවා වගේ.
  ඕනෑවට එපාවට කාර්යයක් ඉටු කිරීම.
  
  
• උඩ බලලා කෙළ ගැහැව්වා වගේ.
  තමන්ට ලජ්ජා, අපහාස සිදුවන අන්දමට තමාම වැඩ කිරීම.
  
  
• වක්කඩ කැඩුවා වගේ.
  සීමාවකින් තොරව දෙඩවීම.
  
  
• වැස්සට කරෝල වේලුවා වගෙයි.
  අවස්ථාවට නොගැළපෙන දෙයක් කිරීම.
  
  
• මිරිස් කුඩු කෑව රිළවා වගේ.
  අනවශ්‍ය ලෙස දඟලන පුද්ගලයෙකු කිසි දෙයකින් නොසැලෙන බව.